fbpx

عايز تبدأ في التسويق بالمحتوى؟ إليك مصادر تعلم التسويق بالمحتوى!

التسويق بالمحتوى هو أهم مجال من مجالات العمل في سوق التسويق الإلكتروني في مصر والوطن العربي، وده ليه بقى؟

 

لإن مفيش أي نشاط تسويقي بيحصل على الإنترنت مش بيعتمد على المحتوى.

 

من غير محتوى الإنترنت هيكون صفحة بيضا.

 

ما هو التسويق بالمحتوى؟

 

التسويق بالمحتوى عبارة عن استراتيجية تسويقية تهدف إلى كسب ثقة الزبون وتحويله من عميل محتمل لعميل حقيقي وهو مقتنع انك افضل شخص بيقدم الخدمة دى.

 

وده عن طريق إنتاج محتوى مفيد وذات صلة بمشاكل ورغبات العملاء بتوعك، ونشره في القنوات التسويقية اللى العميل بيكون موجود فيها زي الفيسبوك و تويتر والمواقع الإلكترونية إلخ.

 

الناس اللي شغالين فى مجال التسويق بالمحتوى هما ناس متخصصة في علم التسويق، وعلم كتابة المحتوى وده كله عشان ايه؟

 

عشان جذب انتباه العملاء، كسب الثقة، البيع.

 

وضحت؟

 

مين هما المسوقين بالمحتوى؟

 

إحنا المسوقين بالمحتوى أغرب ناس في الدنيا!

 

إحنا مش شخص واحد، إحنا أشخاص كتيرة في بعض!

 

إحنا مسوقين، وصناع محتوى، وكٌتاب، ومؤلفين، وقصاصين، وحكائين، ومحللين، ورواد أعمال …

 

وعلماء نفس، وفنانين، ورسامين، وباحثين، وPublic Speakers، وممثلين، ومخرجين، وكٌتاب سيناريو، وصحفيين، ومبدعين، ومخططين استراتيجيين وحاجات تانية كتير …

 

إحنا واخدين من كل واحد من دول حتة!

 

فيه مننا اللي واخد حتة من حد أكبر من حتة تانية من حد تاني، وده اللي بيميز واحد مننا عن واحد تاني.

 

حياتنا مش عادية أبدا، حياتنا خليط بين كل الحاجات دي!

 

شوية تحسنا بتوع داتا وتحليلات وحاجة تقيلة، وشوية فنانين ومبدعين ومؤلفين.

 

حقيقي انا بحب مجال التسويق بالمحتوى وأفتخر إني جوه العالم ده.

 

في المقال ده هاقولك ازاى تدخل مجال التسويق بالمحتوى وتنجح فيه حتى لو بتقول على نفسك:

 

  • مابعرفش اكتب محتوى كويس

  • مابعرفش أجيب أفكار تسويقية ابداعية

  • ماعنديش الموهبة لكتابة محتوى قصير فعّال

  • ماعنديش طولة بال وصبر لكتابة محتوى طويل متماسك ومفيد

 

خلينا الأول نسأل سؤال …

 

ايه اللي بيفرق مسوق عن مسوق تاني؟

 

مش الموهبة ولا العمل الشاق ولا الشغل الكتير ولا اي حاجة.

 

حاجة واحدة بس هي اللي تفرق واحد عن واحد تاني، وهي:

 

الثقة.

 

يكون عارف وواثق بيعمل ايه كويس اوى، وبيعرف يشرحه لأي حد بمنتهي الثقة والوضوح.

 

طب هل انت محتاج سنين (من 1 لـ 3 سنين) عشان تبقى عارف وواثق انت بتعمل ايه كويس في مجال التسويق بالمحتوى؟

 

لا، الكلام ده مش صحيح.

 

انت مش محتاج غير 3 حاجات بس!

 

والحاجات دي هي:

 

1- الحصول على المعلومة الصحيحة

2- تطبيق المعلومة بطريقة صحيحة

3- التنفيذ وفقا لخطوات عملية ممنهجة مش نظرية عشوائية

 

السر وراء النجاح في التسويق بالمحتوى

 

ممكن نعتبر الـ 3 حاجات اللي قولنا عليهم دول أسرار، وكلمة سر هنا مش بمعني إن محدش يعرفها، إنما بمعنى إن محدش بيعمل بيها.

 

وبالتالي الناجحين في مجال التسويق بالمحتوى سواء جوه مصر وبره مصر قليلين اوى.

 

ممكن عشان توصل للـ 3 حاجات تاخد شهر، 3 شهور، أو سنة، أو 3 سنين، او 10 سنين، انت وشطارتك وهمتك.

 

واه ممكن تشتغل عمرك كله و ماتوصلش للمرحلة دي أبدا.

 

تعالي ندخل في التفاصيل …

 

– مشكلة الحصول على المعلومة الصحيحة …

 

عشان تجيب المعلومة الصح، هتضيع وقت كبير جدا (شهور ويمكن سنين) في البحث على جوجل، ويا عالم هتوصل ولا مش هتوصل.

 

معظم الناس فاكرين إنهم أما بيدوروا على حاجة في جوجل، جوجل بنفسه هو اللي بيرد عليهم!

 

ولكن في الواقع جوجل ما هي إلا وسيط ما بين واحد بيعمل محتوى، وواحد بيستهلكه.

 

يعني انت محدود باللى شخص تاني عايز ينشره، وهنا تكمن المشكلة الكبيرة!

 

محدش بيكون عايز ينشر محتوى ممنهج، سواء لإنه مايعرفش أو مش عايز، وفى الحالتين النتيجة واحدة!

 

انت تايه ما بين طرق عشوائية ومعلومات نظرية.

 

– مشكلة تطبيق المعلومة بطريقة صحيحة …

 

عشان تطبق المعلومة صح، لازم تاخدها ممنهجة ومرتبة والاهم لازم تكون خطوة خطوة، وإلا هتضيع شهور في حالة من:

 

“مش عارف اللي بعمله ده صح ولا مش صح، ولو صح صح ليه؟ ولو غلط غلط ليه”.

 

– مشكلة التنفيذ وفقا لخطوات عملية ممنهجة مش نظرية عشوائية

 

التسويق بالمحتوى مش سهل، ومش معقد، إنما هو بسيط!

 

التسويق بالمحتوى  عبارة عن شوية تاسكات متتابعة لو اتعملت صح، بيجيب نتيجة.

 

عشان التسويق بالمحتوى يجيب معاك النتيجة اللي انت عايزها، لازم تعمل كل تاسك في الشغلانة وفقا لخطوات عملية ممنهجة مش نظرية عشوائية.

 

ولكن العقبة اللي بتواجهك إنك لا عارف انهي تاسكات اللي المفروض تركز عليها، ولا عارف ازاى تعملها صح وفقا لخطوات ممنهجة.

 

دلوقتي هشارك معاك شوية مصادر هتكون خير بداية ليك، وباذن الله مش هتحتاج غيرها – لا كورسات تانية ولا مقالات ولا اي حاجة – عشان تحترف شغل التسويق بالمحتوى.

 

جاهز؟

 

يلا بينا …

 

الكتب اللي مش محتاج غيرها لاحتراف التسويق بالمحتوى

 

1- كتاب Content Marketing Principles

 

الكتاب ده يعتبر المرجع اللي هتحتاج ترجع له كل ما تحب تتعلم التسويق بالمحتوى من البداية أو تعلم حد تانى أو حتى تدور فيه على استراتيجية تساعدك في تخطي التحديات اللي هتواجهك في عمليات إنتاج المحتوى.

 

2- كتاب The Content Writing System

 

لو عايز تكتب محتوى يبيع المنتج أو الخدمة اللي انت بتقدمها بسهولة بحيث يقول بالظبط الكلام اللي يثبت للزبون المحتمل أن المنتج أو الخدمة بتاعتك أفضل من المنافس أو مختلفة عنه ومينفعش تتقارن يبقى الكتاب ده مناسب ليك.

 

3- كتاب Content Recipes

 

في الكتاب ده هتتعلم كتابة وتنفيذ 15 نوع مختلف من أنواع المحتوى بحيث تثبت خبرتك في مجال تخصصك، وتكون منافس قوي في السوق … خطوة بخطوة و بالأمثلة العملية!

 

فيه أنواع من المحتوى مصممة مخصوص لاكتساب Leads جديدة زي الأدلة، والكتب، والكورسات عبر الايميل، وهتتعلم تنفذها خطوة بخطوة.

 

وانواع تانية هتساعدك في التمهيد لعملية البيع زي الاسئلة والاجوبة، دراسات حالة، والقوائم وغيرها، وبرضو في الكتاب هتلاقي كل تفاصيل تنفيذ كل حاجة من دول خطوة بخطوة.

 

4- كتاب First Page Content

 

لو عايز تتعلم بالظبط ازاى تكتب محتوى متوافق مع الـ SEO خطوة بخطوة، وازاى تخلى المحتوى بتاعك يظهر في الصفحة رقم #1 في جوجل (مهما كان المجال صعب ورخم).

 

وده من خلال Case Studies عملية حصلت.

 

بدون ما تحتاج تفهم تقنيات الـ SEO المعقدة والرخمة، وبدون الحاجة لكتابة عشرات المقالات، كفاية بس قطعة محتوى واحدة، بس قطعة محتوى أحسن من كل المحتوى الموجود.

 

5- كتاب The Creative

 

الكتاب ده ضرورى لاى حد شغال في التسويق وده ببساطة لأن التسويق = أفكار.

 

الزبون لو اشتري الفكرة، هيشتري المنتج، ولو اقتنع بالفكرة، هيجيب صحابه يشتروا.

 

وبالرغم من أهمية موضوع الأفكار إلى إن محدش بيتكلم عليه!

 

وده غالبا بسبب انهم مش عارفين يتكلموا ويقولوا ايه بالظبط كخطوات واستراتيجيات وأفكار عشان تساعدك تجيب أفكار مختلفة وجديدة.

 

6- كتاب Headlines Playbook

 

هل تعرف العنصر اللى يخلي المحتوى يحقق نتائج، واعلانات الفيسبوك تحقق مبيعات، ومعدلات التحويل في صفحات الهبوط تزيد؟

 

ببساطة العنصر ده هو العنوان.

 

وفى الكتاب ده بقولك بالخطوات مع الأمثلة المجربة ازاى تكتب عنوان لاي قطعة محتوى أو إعلان خطوة بخطوة.

 

في الكتاب ده هتتعلم:

 

  • 5 طرق لكتابة عنوان يضمن لك انتباه الجمهور حتى لو المنافسة صعبة 

  • 5 انواع مختلفة للعناوين وازاى تكتب كل نوع منهم خطوة بخطوة

  • 5 نصائح عملية لكتابة عنوان يزيد من فعالية الحملة التسويقية

  • 5 معادلات لهندسة عنوان يزود الترافيك ومعدلات التحويل

  • 5 كلمات بسيطة وجودها يجعل العنوان جذاب فورا

 

مع الكتاب Bonus مجاني اسمه Headlines Tweeks، وده عبارة عن 5 طرق لتحویل عنوان عادي (ممل) إلى عنوان استثنائي (جذاب) بتعديلات بسيطة ومجربة.

 

الكتب دى كلها بالعربي.

 

الكتب دى خلاصة مشوار وخبرة 8 سنين في مجال التسويق بالمحتوى، وانا بقدمهالك تكون بين ايدك وتقدر تذاكرها وتخلصها في شهر!

 

الكتب حاليا عليها عرض مايترفضش!

 

دوس هنا عشان تعرف تفاصيل الحصول على الكتب والحصول على مشوار 8 سنين في التسويق بالمحتوى في شهر واحد!

 

 كورس التسويق بكتابة المحتوى خطوة بخطوة [كورس مجانى]

 

كتابة المحتوى هي حجر أساس مجال التسويق بالمحتوى، وكمان شغلانة مربحة جدا لوحدهاَ!

 

لكن للاسف مفيش مصادر تعليمية محترمة فى الجزئية دى، عشان كده انا بقدملك كورس قيمته أكتر من 200$ (3000 جنيه فيما فوق)، وده مش انا اللى قلته، إنما اكتر من 13000 شخص اخد الكورس ده.

 

الكورس مجاني 100%.

 

الكورس هيساعدك تعمل محتوى على أساس علمي بخطوات ممنهجة بحيث تقدر تعمل تسويق لأي بيزنس باستخدام المحتوى.

 

وعلى فكرة الكورس فعلا قيمته عالية جدا علميا، وممكن ماتلاقيش كورسات مدفوعة فى قيمته وده كانت آراء بعض الناس اللى اخدت الكورس بعد ما اشتروا كورسات تانية بفلوس مش قليلة.

 

الكورس مكتوب، عبارة عن ايميلات، تحديدا 17 إيميل، كل يوم الساعه 10 وتلت بالليل بيجي لك إيميل فيه حدوتة أو درس جديد، وهكذا لمدة 17 يوم.

 

دوس هنا للحصول على الكورس مجانا

 

مقالات عالية الجودة في التسويق بالمحتوى

 

لما بدأت الموقع ده في 2017 كان هدفى أقدم محتوى مجانى أفضل من محتوى كورسات كتيرة في السوق.

 

وخلال الفترة اللي فاتت قدمت محتوى كتير، ودلوقتي هشارك معاك شوية مقالات فعلا مفيدة، واقعية وعملية، ويكفي شهادة واحد من المتابعين:

 

“كل كلمة بتقولها تتدرس في كورسات بفلوس والله”.

 

يلا نبدأ …

 

0- التسويق فى 7 خطوات سهلة التنفيذ

 

الأصل في التسويق بالمحتوى هو التسويق!

 

عشان كدة لازم في الأصل تتعلم أساسيات التسويق، والمقال اللي ده هيعلمك بالظبط أصول التسويق الكلاسيكي في شكل ممنهج وعملى بخطوات 1 2 3.

 

1- التسويق بالمحتوى خطوة بخطوة: دليل المبتدئين!

 

اتعلمت مبادئ التسويق، اتعلم بقى مبادى التسويق بالمحتوى!

 

في المقال ده هنتكلم عن اللي المفروض تعرفه وتعمله عشان تبتدي في تطبيق التسويق بالمحتوى.

 

هتعرف ازاى التسويق بالمحتوى يساعد في بناء الشركات – كل الشركات.

 

2- ازاى تكتب محتوى خطوة بخطوة؟

 

كتابة المحتوى من  أهم المهارات الواجب توافرها عند اي حد شغال في التسويق، ومفيش شركة دلوقتي بتطلب ناس تشتغل في السوشيال ميديا أو في الـ SEO أو في التسويق بالمحتوى أو الإعلانات عبر الإنترنت إلا وتشترط وجود مهارة كتابة المحتوى!

 

عشان كده في المقال ده، هشرح من واقع خبرتي ازاى تكتب محتوى بطريقة مناسبة للجمهور المستهدف، وفي الوقت ذاته مناسب لطبيعة مجال البيزنس.

 

3- الدليل الكامل لبناء استراتيجية التسويق بالمحتوى

 

لازم تتعلم تخطط بشكل استراتيجي منظم، وفى المقال ده هتتعلم بالتفصيل وخطوة بخطوة ازاى تبني استراتيجية التسويق بالمحتوى اللي تساعدك في الاستفادة من التسويق بالمحتوى.

 

بنهاية المقال ده هتعرف تتكلم في ايه، وتوجه كلامك ده لمين، وازاى!

 

4- الـ Content Repurposing: كتابة المحتوى بطريقة سهلة وذكية!

 

عايز تكتب محتوى بس دماغك مفيهاش حاجة جديدة؟

 

عايز تنشر محتوى جديد من غير ما تكتب محتوى جديد؟

 

عايز تعرف أحد أسرار غاري فيانيرتشوك فى صناعة المحتوى؟

 

يبقى اقرا المقال ده …

 

5- الدليل النهائي في توزيع المحتوى (Content Distribution)

 

المحتوى زيه زي اي منتج، وعشان المنتج يتباع لازم يتشاف!

 

عشان كده كتابة المحتوى لوحدها متنفعش، لازم يكون فيه طرق لتوزيع وترويج المحتوى على نطاق أوسع.

 

توزيع المحتوى عبارة عن استراتيجيات وطرق لترويج وتوصيل المحتوى للجمهور المستهدف لتحقيق أهداف المحتوى زي الترافيك والـ Brand Awareness وخلافه.

 

فى المقال ده هنتكلم عن توزيع المحتوى بالتفصيل.

 

6- 5 أخطاء يقع فيها المبتدئين والمحترفين في مجال التسويق بالمحتوى

 

معظم الناس اللى شغالة فى مجال التسويق بالمحتوى (Content Marketing) بتطبقه غلط!

 

عرفت منين؟

 

بقالي +8 سنين بشوف الناس بتحاول تعمل تسويق بالمحتوى، ومش قادرة تحقق أهداف البيزنس بشكل متواصل!

 

والسبب؟!

 

فيه 5 أخطاء بيقع فيها معظم الناس اللى شغالة فى مجال التسويق بالمحتوى، وهتلاقيها وهتعرف ازاى ماتقعش فيها من خلال المقال ده  …

 

7- كتابة محتوى يحقق مبيعات خطوة بخطوة

 

كتابة محتوى يحقق مبيعات من أهم الأهداف اللى الشركات بتسعي وراها، وده ببساطة لان من غير مبيعات، الشركة هتوقف نشاطها.

 

فيه طرق كتيرة لكتابة محتوى يحقق مبيعات، ولكن الطريقة اللي هنشرحها دلوقتي مبنية على نظرية كلاسيكية مهمة جدا في علم التسويق، وهي نظرية AIDA.

 

في المقال بشرح بالتفصيل وبالخطوات التفصيلية ازاى تكتب محتوى يبيع.

 

8- 7 أدوات مجانية لاكتشاف الكلمات المفتاحية (Keyword Research)

 

فى المقال ده هاقولك على 7 أدوات مجانية تدعم اللغة العربية لاكتشاف الكلمات المفتاحية اللي من خلالها تقدر تجذب الجمهور اللي مستعد يشتري المنتجات والخدمات اللي انت بتقدمها.

 

ملحوظة: الشرح خطوة بخطوة بالصور.

 

لو عايز تكتب محتوى بغرض الـ SEO، يبقى المقال ده مهم جدا ليك.

 

9- 9 حلول مجربة لعلاج الـ Writer’s Block نهائيا وكتابة محتوى بسهولة

 

في المقال ده هتتعلم ازاى تتخلص من الـ Writer’s Block نهائيا، وازاى تكتب محتوى حلو دايما في وقت قليل بدون مجهود ولا إرهاق ذهني.

 

10- ازاى تكتب محتوى يتقرا من أول سطر لحد أخر سطر [خطوة بخطوة]؟

 

العنوان شارح نفسه!

 

11- أدوات كتابة المحتوى: +31 أداة مجانية هتساعدك تكتب محتوى عالي الجودة – بسرعة!

 

في المقال ده هشارك معاك +31 أداة من أدوات كتابة المحتوى اللى بتدعم اللغة العربية، وهنقول على كام أداة لا تدعم لكن هاقولك ازاى تستخدمها بطريقة صح لكتابة محتوى بالعربي.

 

وبس كده …

 

أولا احفظ المقال ده عشان هتحتاج ترجعله تانى.

 

ثانيا كل يوم اقرا في التسويق بالمحتوى.

 

ثالثا اعمل شير عشان الخير يعم.

 

الخلاصة

 

بغض النظر عن مقاييس النجاح في التسويق بالمحتوى، لانها بتختلف من شخص للتاني.

 

إنما بأي حال من الأحوال النجاح عمره ما هيجي إلا لو انت فاهم وواثق انت بتعمل ايه!

 

وده عمره ما هيحصل إلا من خلال 3 حاجات بس، وهما:

 

1- الحصول على المعلومة الصحيحة

2- تطبيق المعلومة بطريقة صحيحة

3- التنفيذ وفقا لخطوات عملية ممنهجة مش نظرية عشوائية

 

اتفقنا؟

 

دلوقتي لو عندك أي سؤال بخصوص التسويق بالمحتوى، اكتبه في تعليق تحت وهرد عليك بنفسي …

13 رأي حول “عايز تبدأ في التسويق بالمحتوى؟ إليك مصادر تعلم التسويق بالمحتوى!”

  1. كنت عاوزه كتاب طرق كتابة العنوان بس مش عندي فيزا باي بال ممكن ابعت لحضرتك الفلوس عن طريق فودافون كاش بس الرقم مش لاقياه

    رد
    • اسف يا امنية على التاخير فى الرد، الكتاب لوحده دلوقتي مابقاش متاح، انما بقي متواد ضمن مجموعة متكاملة، وده اللينك بتاعها، وفيها هتلاقي كل التفاصيل …

      اللينك: http://www.osamasalah.com/bundle

      رد
  2. بجد المحتوى اللي بتقدمه رائع و إن شاء الله واثة انه هيفدني المشكلة بس اني تايهه حضرتك قولي ابدأ بإيه ؟ بقراء الكتب و لا المقالات و لا الكورس ؟

    رد
  3. أنا intern في أحد ال startups في التسويق بالمحتوى وإنت إنسان رائع لأنك تنشر علم نافع وانا استفيد منك فعلا ، شكرا لكل حرف كتبته

    رد

أضف تعليق